في واقعة هي الأولى من نوعها في مصر، تداولت وسائل الإعلام المصرية واقعة اختفاء أجنة توأم من رحم سيدة حامل بالشهر السادس.
ووفقا لما ذكره والد السيدة خلال مداخلة هاتفية مع برنامج التاسعة، المذاع على شاشة التلفزيون المصري: «كانت حاملا في توأم، نامت وصحيت ملقتهمش.. بنتي حملت مرتين قبل كده وسقطت، أنا مش بقول فيه سحر ولا أي حاجة، إحنا مؤمنين بقضاء الله وقدره، هي كانت ماشية على علاج معين، والدكتور اللي كانت متابعة معاه كان هيولدها الشهر الجاي».
وأضاف الرجل : «هي شافت كابوس أثناء النوم أن الأجنة اختفت، وبالفعل اختفوا، بس الحمل كان موجودا، دي واخده ميعاد مع الدكتور عشان يولدها قريب، بطنها كانت كبيرة رجعت زي الأول خالص، مفيش آثار أنها سقطت، وبرضوا مش بقول فيه سحر، الله أعلى وأعلم».
وبدوره وحسب ما جاء بالبرنامج قال رئيس قسم النساء والتوليد بمستشفى أرمنت محمد عز الدين، إن الحالة وصلت للمستشفى الساعة 4 صباحا وتشتكي من نزول مياه ودم من الرحم واستقبلها الطبيب المقيم بقسم النساء والتوليد بالمستشفى وقام بالكشف عليها مستخدما الآشعة التلفزيونية ولم يجد أي أثر للحمل.
